Chair de la Peste

The Expression “être assis dans la chaire de la pestilence” meant to teach bad doctrine (“Pestilence” in the Dictionnaire de l’Académie Française, 1802.

Chants royaux sur la Conception, couronnés au puy de Rouen de 1519 à 1528.
Chants royaux sur la Conception, couronnés au puy de Rouen de 1519 à 1528.
Source: gallica.bnf.fr

Bibliothèque nationale de France, Département des manuscrits, Français 1537, fol. 54r.

Here is a quick transcription of the Chant Royal that accompanies this illustration.

Lair putrefaict mortel et veneneux
Grand menuysier damere pestilence
Fest de mortboys prins en lieu espineux
Une orde chaire ou par malivolence
Faisoit asseoir en aspre violence
En triste pleur et mortel vitupere
Tous les enfans de nostre premyer pere
Mais don celeste en voulut preserver
Celle qui fut en vertu manifeste
Le vray moyen de tous humains saulver
Sans estre assise en la chaire de peste

Transgression mere des crimineux
Contre la vierge alleguant resistence
Dit quel prendroit ministres ruineux
Pour la contraindre y tenir asssistence
Maistre sont en vulgaire sentence
Femme fam fruit froid frayeur qui supere
Timide cueur par lesquelz impropere
Faire luy veult et par leur loy prouver
Que ceste dame ou se adjoinct don celeste
Ne se doibt pas avec humains trouver
Sans ester assise en la chaire de peste

Celeste don aux motz litigieux
Prealleguez respondit pour deffence
Que lair infect et mal contagieux
Mys entre humains ceste dame ne offense
Par Eve femme el na commis offense
Fam la beaulte delle ne vitupere
Fruict deffendu ne print par la vippere
Froid vicieux ne la peust onc priver
Du feu divin frayeur ne la moleste
Car en constance el se vint approuver
Sans estre assise en la chaire de peste.

Pharisiens et scribes envyeux
Jentendz docteurs plains de faulce apparence
En chaire on dict par sermons envyeux
Quen lautre chaire elle doibt comparence
En alleguant trouver equiparence
Entre elle et nous gouvernez soubz la spere
Dair corrumpu mais dieu qui tout tempere
Feist choir leur chaire et du tout reprouver
Leurs faulx sermons quil contenne et deteste
Pour son ancelle en triumphe eslever
Sans estre assise en la chaire de peste

Ainsy la dame et princesse des cieulx
Sa triumphante et noble residence
Tient sans macule excedant humains lieux
En chaire ou grace estoit par providence
Dont anciens prophetes de credence
Montrent que diux sur loy humaine opere
En ceste dame ou tout honneur prospere
Transgression ne la peust donc grever
Par lord venin du mal qui nous infeste
Car en sante nous vint tous relever
Sans ester assise en la chaire de peste

Envoy

Prince des cieulx fay ta pitie graver
Sus ta cite sans son mal aggraver
Et te servyz de cueur devot proteste
Affin quel vive en este et yver
Sans estre assise en la chaire de peste

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.