|
- Dudit jehan de visen la somme de iij c f^ monnoye royal
sur ce quil peut et pourra deuoir a mondit s^ a cause
de sad^ recepte en deniers a mess^ guillaume de
vauldry seigneur de corlaon chl^r conseill^r et
chambellan de mondit seigneur pour don a lui fait
par icellui seigneur pour recompensacion des seruices
quil lui a faiz tant en sa derreniere annee de
fland^ comme pour le fait des pais de bourg ne
et de sauoir pour ce cy par discharge faicte
le xxiijj e jour de mars mil cccc liij
iij c f^ r^
du xxv e jour de mars
neant
du xxvj e jour dicellui mois
- De latin de la motte la somme de vj l de xl g^
monnoye de flandres la liure pour la composicion de
son rappel de ban a lui octroie par mondit seigneur en
son pays de flandres dont il a par plus^ fois este
banny tant par la loy de la ville de gand comme
par les loix des villes de courtray et audenarde
pour plus^ mauuaises enuies qui trop longues seroient
a declairer pour ce cy par descharge faicte led^
xxvj e jour de mars mil cccc liij
vj l de xl g^
- De laurens le maech receueur general de fland^ la
somme de ij c l de xl g^ monnoye de flandres la
liure sur ce quil peut et pourra deuoir a mond^
seigneur a cause de sadicte recepte de ceste p^nte
annee commencant le premier jour de januier
lan mil iiij c liij et finissant le derr^ jour de dece^bre
prouchain apres ens^ en deniers payes aud^
Guillaume le Muet clerc desdictes finances
sur ce quil lui peut estre deu a cause de ses
gaiges de sond^ office de clerc pour ce cy par
descharge faicte led^ xxvj e jour de ce p^nt
mois de mars lan mil cccc liij
ij c l de xl g^
|
