Attacking the pilgrim

Fol. 132v
Une aultre vielle me survint
Dont grant fraieur au ♥ me vint
Deux lances avoit enfichees
En ses deux yeulx et entaichees
Sur terre alloit a quatre pietz
Comme serpent et bien saiches
Fol. 133r
Que sy maigre et si seche estoit
Que char ne sang en luy navoit
Toutes ses jointes et ses nerfz
Paroient co^me descouvers
Sur luy a redos se seoient
Deux aultres vielles qui estoient
Bien tant on plus espoventables
Et horribles et doubtables
Lune cestoit en musellee
Dung faulx visaige et soubz cellee
Avoit sa forme et sa facon
Affin que na veist on
Ung apointon en la main destre
Et une boeste en la senestre
Tenoit mais le pointu mucoyt
Derriere luy et conseloit
Lautre vielle en sa main tenoit
Ung glaive qui tout plain estoit
Doreilles do^me trefforees
Qui estoient enchantees
Lung des bous vers moy tendoit
Et lautre entre ses dens tenoit
Avec ung or rouge et sanglant
Que co^me chien venoit rungant
Le fer du glaive barbele
Estoit de ung croc de dens ente
Fait estoit tel fer pour percier
Les pellerins et ahocquier
La vielle sen faisoit moult fiere
La malle passion la fiere

Contient : 1° « Le Pellerinaige de la vie humaine » [par GUILLAUME DE DEGUILLEVILLE] ; 2° Petit Poëme sur la mort
Contient : 1° « Le Pellerinaige de la vie humaine » [par GUILLAUME DE DEGUILLEVILLE] ; 2° Petit Poëme sur la mort Source: gallica.bnf.fr

Bibliothèque nationale de France, Département des manuscrits, Français 1141, fol. 140v.

Fol. 140v.
Mais pour ce ne me eschape je mye
Vers moy sen vint Envye
De ces deux lances me fery
Et en mon corps les embaty
Trahison pas ne se faignoit
Car tant co^me sa suer me mordit
Et maloit les costes rundgant
Elle tenoit son oingnement
Dont dune p^t mal emoignoit
Et daultre ou ventre me boutoit
Son coustel et son appointton
La vielle aussi au grant baston
A tout ses instruments de moy
Fol. 141r.
Saproucha et me dist ren toy
Bien voy que ne peuz eschapper
Adont se print a moy hurter
A moy batre et me ferir
Que paine asses faire souffrir

 

Leave a Reply

Your email address will not be published. Required fields are marked *